نوشکے: سیمسر ءَ پاکستانی لشکر ءُ اوگان لشکر ءِ میان ءَ میڑے ءَ پاکستانی لشکر ءِ دو کارمندانی مرگ ءِ ھال اِنت۔
بنشون ءِ رد ءَ پاکستانی لشکر ءُ اوگان لشکر ءِ میان ءَ ترندیں میڑے بوتگ، یکے ءَ دومی ءِ سر ءَ گوں راکٹ لانچر ءُ وتکاریں سلاھاں اُرش کرتگ۔ تیر ءُ تراکانی توار داں دیر ءَ اش کنگ بوتگ اَنت۔ ارش ءِ آسر ءَ پاکستانی لشکر ءِ دو کارمند مرتگ۔
دومی نیمگ ءَ پاکستانی لشکر ءَ میڑ ءِ آسر ءَ اوگان لشکر ءِ کارمندانی کشگ ءِ ٹاپار جتگ۔
یات بہ بہ اِت کہ ھمک وھد ءَ اوگان لشکر ءُ پاکستانی لشکر ءِ میان ءَ سیمسر ءَ میڑ بوتگ اَنت۔ یکے دومی ءَ را سیمسر ءِ بگیری ءِ بھتام جتگ۔
