آواران ءِ ھند جاؤ ءَ پاکستانی پوج ءِ نیمگ ءَ سے روچ اِنت کہ زوراکی برجاہ اِنت۔
زرمبش جھگیر ءِ رد ءَ پاکستانی پوج جاؤ ءِ ھند گزی، کریم گوٹ ءَ گوستگیں سے روچ بیت کہ ھمک روچ مردماں وتی بنجل ءَ لوٹائینگ ءُ تنگ کنگ ءَ اِنت۔
ھندی مردمے ءَ گوں زرمبش ءَ ھال کرتگ ءُ گوشتگ کہ چہ پاکستانی پوج ءِ نیمگ ءَ ما ھم روچ بنجل ءَ لوٹائینگ ءُ دارگ ءَ مئے ڈگارانی کشار تباہ بوگ ءَ اَنت۔
آئی ءَ گوشتگ کہ پاکستانی پوج ءَ دگہ کار نیست بس ھم روچ مارا سھب ءَ وتی بنجل لوٹائینگ ءُ بیگاہ ءَ یل کنگ ءَ اِنت۔ ما وتی جند ءِ سر ڈگار ءِ سر ءَ چو بندیگانی پیم ءَ زند گوازینگ ءَ ایں۔
