بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءَ وتی شنگ کرتگیں درشانے ءَ گوشتگ کہ اشپاک مشتاک ءِ کسہ پاکستان ءِزوریں دستیگ کنگ ءِ دراجکشیں آزارانی دگہ یک دردیگیں کسھے۔ ایشی کھول ءَ پہ وتی پجار ءُ شرپ ءَ باز دیمونی داتگ۔
آئی ءَ گوشتگ کہ مئی 2025 ءَ پاکستانی پوج ءُ آئی ھندی کشندہ ٹولی ءِ کارمنداں آئی ناکو لالا لتیپ ءِ گس ءَ بیڑ برتگ ءُ آ ناھک ءَ شھید کرتگ۔ چہ ایشی دو ماہ پیش مارچ 2025 ءَ پاکستانی پوج ءَ آئی ناکو زتک سیپ لتیپ ءَ گوں دگہ ھشت آزایزاں چہ مشکے ءَ آوار جتگ ءُ پد ءَ آیان ءَ کشتگ۔
ڈاکٹر نسیم بلوچ ءَ گوشتگ کہ نوں ھما زوراکاں اشپاک مشتاک آوار جتگ۔ زوراکیانی اے درچ چہ یک کھولے ءَ داں دومی کھول ءَ سر بیتگ۔ اشپاک ءِمیار تھنا ھمیش اِنت کہ آیک بلوچے۔ یک انچیں سرڈگارے ءَ زند گوازینگ ءَ اِنت کہ اود ءَ بلوچ ءِ زند ءَ ھچ بستار نیست۔
آئی ءَ گوشتگ کہ میان استمانی تک ءَ بے توار بوگی نہ اِنت یک سرجمیں پدریچے پہ زور بیگواہ کنگ بوگ ءُ درکانودی کشگ بوگ ءَ اِنت۔ ما بلوچستان ءَ پاکستان ریاست ءِ زوراکیانی بگیری ءَ جست گرگ ءِ لوٹ ءَ کن ایں۔
