بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ دو روچ پیش مئے سرمچاراں چہ گل ءِ انٹیلیجنس ءِ ھالانی بنیاد ءَ کاروائی کرتگ ءُ آواران ءِ ھند جھل جاؤ ءَ زورگریں پاکستانی لشکر ءِ کمکار اھمد بکش پنام کچّو ء کریم بکش دزگیر کرتگ۔ ریاستی کمکار کچو گوستگیں یک سالے ءَ گیش اِنت پہ زورگریں پاکستانی لشکر ءَ چاریگی ءِ کار ءَ کنگ ءَ بوتگ۔
آئی ءَ گوشتگ کہ جست ءُ پرس ءِ میان ءَ اے مردم ءَ وت منّ اتگ کہ آ جھل جاؤ ءَ پہ زورگریں پاکستانی لشکر ءَ چاریگی ءِ کار ءَ بوتگ ءُ 9 اگست 2024 ءَ ھمبلیں سرمچار شھید لیپٹیننٹ شمبین پنام شیھک ءِ شھیدی ءَ تچکی ءَ ھوار بوتگ۔
جارکش ءَ گوشتگ کہ اھمد بکش پنام کچو جست ءُ پرس ءِ میان ءَ درسیں مردمانی نام داتگ کہ آ شھید لیپٹیننٹ شیھک ءِ شھیدی ءَ ھوار بوتگ اَنت ءُ جھل جاؤ ءِ کِر ءُ کشاں پہ پاکستانی لشکر ءَ چاریگی ءِ کار ءَ کنگ ءَ اَنت۔ اے چاریگ ءِ منگی گپ تامربند ءِ دروشم ءَ پارٹی ءِ کِر ءَ ایر اَنت وھدے لوٹ ءَ راج ءِ دیم ءَ شنگ کنگ بیت۔
آئی ءَ گوشتگ کہ ریاستی چاریگی اھمد بکش پنام کچو وتی ھمبلانی نام ءُ نشان ءُ گل ءِ انٹلیجنس ٹولی ءِ سرپدیانی بنیاد ءَ شھید لیپٹیننٹ شیھک ءِ شھیدی ءَ ھواریں ریاستی کشندہ ٹولی ءِ کارمنداں زوتاں چہ زوت آیانی گڈی آسر ءَ سر کن ایں۔
جارکش ءَ گوشتگ کہ ریاستی کمکار اھمد بکش پنام کچو ءَ گوستگیں روچ ءَ آواران ءِ ھند جھل جاؤ ءَ بی ایل ایپ ءِ سرمچاراں تیرگواری کرتگ ءُ گڈی آسر ءَ سر کرتگ۔
میجر گھرام ءَ وتی درشان ءِ گڈی ءَ گوشتگ کہ بی ایل ایپ ریاستی کمکار اھمد بکچ پنام کچو ءِ کوش ءِ زمہ واری ءَ منّ ایت۔
