شال: پجار نہ بوتگیں مردماں پولیس ءِ گاڑی گوں تراکناکیں شورھاں نشانگ کرتگ۔
ارش ءِ آسر ءَ پولیس کارمندے ءَ ھوار سے مردم ٹپی بوتگ اَنت، پجار نہ بوتگیں مردماں مرچی سھب ءَ شال ءِ روکپتی بائی پاس ءَ پولیس ءِ گاڑی ھماوھد ءَ گوں بمب ءَ نشانگ کرتگ کہ آ ھمے ھند ءَتر ءُ گرد کنگ ءَ بوتگ۔
انچوش گوش بوگ ءَ اِنت کہ تراکناکیں شورہ پرپٹے ءَ بندوک بوتگ اَنت۔ ٹپی بوتگیں مردم پہ درمان کنگ ءَ نادراھجاہ ءَ برگ بوتگ اَنت۔
ارش ءَ پد پولیس کارمند بازیں کچے ءَ ارش جاہ ءَ سر بوتگ اَنت ءُ پٹ ءُ پول اِش کرتگ۔
