شال: پاکستانی پوج ءِ دست ءَ بیگواہ کرتگیں ریھان بلوچ ءِ کھول ءَ آئی زوتیں آجوئی ءِ لوٹ کرتگ۔
کھول ءِ گوشگ اِنت کہ سی ٹی ڈی ءُ آدگہ پوجی کارمنداں 23 ءُ 24 اگست ءِ میانی شپ ءِ ادار یک ءَ شال ءَ سبزل دگ ءَ مئے گس ءَ بیڑ برتگ ءُ ریھان بلوچ ء نسیر الدین بلوچ آوار جتگ ءُ بیگواہ کرتگ۔
آئی گوشتگ کہ چہ ریھان بلوچ ءِ بیگواھی ءَ پد آئی ھچ ھال نیست کہ آ چون ءُ کج ءَ اِنت۔ چہ ایشی ءَ ما سسائی نادراھی ءُ جنجالانی دیمپان ایں۔
ریھان بلوچ ءِ کھول ءَ گوں سرکار ءَ لوٹ کرتگ کہ آ ریھان بلوچ ءِ آجوئی ءَ زوت دلجمی بہ دنت ءُ مارا چہ اے جنجالاں در بہ کنت۔
