بلوچ ھم سنتیں لشکر ( یو بی اے ) ءِ جارکش مزار ءَ ماں رسانکدر ءَ وتی شنگ کرتگیں درشانے ءَ گوشتگ کہ یو بی اے ءِ سرمچاراں کلات ءِ ھند نرمک تکت ءَ برجاھیں پاکستانی لشکر ءِ مزنیں بنجل ءِ سر ءَ بی ایم 12 ءِ باز گولا آس داتگ کہ آ پاکستانی لشکر ءِ بنجل ءِ تہ ءَ ترک اِتگ اَنت ءُ مزنیں بنجل ءِ تہ ءَ آس ءِ گدروشک گندگ بوتگ اَنت۔
آئی ءَ گوشتگ کہ اُرش ءِ آسر ءَ زورگریں پاکستانی لشکر ءَ بازیں کچے ءَ جانی ءُ مالی تاوان بوتگ، ایشی زمہ واری ءَ مئے گل منّ ایت۔
جارکش ءَ گوشتگ کہ اُرش ءَ پد ھمے بنجل ءَ چہ شال ءَ جنگی بالگردانی آھگ ءُ پد ءَ روگ ھمے چیز ءَ پدر کرتگ کہ مئے سرمچارانی اُرش ءِ آسر ءَ زورگریں پاکستانی لشکر ءَ بازیں کچے ءَ تاوان بوتگ ءُ چہ ھمے جنگی بالگردانی آھگ ءَ ھمے زانگ بیت زورگریں لشکر ءَ وتی مرتگ یا ٹپی بوتگیں کارمند جنگی بالگردانی سر ءَ شال ءَ برتگ اَنت۔
مزار ءَ وتی درشان ءِ گڈی ءَ گوشتگ کہ مئے اے وڑیں اُرش داں زورگپتیں بلوچستان ءِ آجوئی ءَ برجاہ بنت۔
