پشین: سی ٹی ءَ پنچ سلاہ بندیں مردمانی کشگ ءُ آیانی سلاھانی دستیگ کنگ ءِ ٹاپار جتگ۔
سی ٹی ڈی ءِ رد ءَ دوشی سی ٹی ڈی ءَ ھال رستگ کہ ٹی ٹی پی ءِ پنچ سلاہ بندیں مردم پشین ءِ ھند سرھاب ءَ باھوٹیانی گدان ءَ پہ کاروائی یے ءَ شوربندی ٹاھینگ ءَ اَنت۔ سی ٹی ڈی ءَ ھمے ھند انگر کرتگ ءُ شکی ئیں مردمان ءَ پہ سلاھانی چگل دیگ ءِ گوشتگ آیاں سی ٹی ڈی ءِ سر ءَ تیرگواری کرتگ۔
آئی ءَ گوشتگ کہ سی ٹی ڈی ءِ پسھی تیرگواری ءَ پنچ مردم اھمد اللہ پنام الی بدری، اھسان اللہ پنام متوکل ھامد، سمی اللہ ءُ آیانی دگہ دو ھمبل جنگ بوتگ اَنت۔
سی ٹی ڈی ءِ گوشگ اِنت کہ چہ کشتگیں مردماں یک ایس ایم جی، یک سی بور ءِ ٹی ٹی وتاس، دو نائن ایم ایم وتاس، تیر، دو دستی بمب، دگہ یک بمبے، چار سیر تراکناکیں شورہ، پرائما کارڈ ءُ یک پرپٹے دستیگ کرتگ۔
یات بہ بہ اِت کہ چہ آدگہ بنشوناں اے مردم انگت ءَ پکا نہ بوتگ اَنت، سی ٹی ڈی مدام زور بیگواھیں مردماں کشگ ءُ آیاں سلاہ بندیں مردم پیش دارگ ءَ اِنت۔
