کیچ: پنچ روچ پیش زورگریں پاکستانی لشکر ءِ دست ءَ زور بیگواہ کنگ بوتگیں بلوچی زبان ءِ شائر ءُ نبشتہ کار ندیم بیوس ءِ کھول ءَ پہ آئی آجوئی ءَ توار جست کنگ ءِ لوٹ کرتگ۔
آئی ءَ گوشتگ کہ ندیم اھمد پنام ندیم بیوس ءاھمد ءَ پاکستانی لشکر ءَ 15 اگست ءَ چہ ناسر آباد لشکری بنجل ءِ نزیک ءَ دگ ءِ سر ءَ آوار جتگ ءُ بیگواہ کرتگ کہ انگت بیگواہ اِنت۔ ندیم اھمد بلوچی زبان ءِ شائرے بلے اے وھد ءَ آ سسائی نادراھی ءِ آماچ اِنت ءُ سر ءَ شرھم نہ اِنت۔
آئی ءَ گوشتگ کہ ما پہ ارزی نبیسگ ءَ پولیس گس ءَ شتگ ایں بلے آئی مئے ایپ آئی آر پاکستانی لشکر ءِ بگیری ءَ نبشتہ نہ کرتگ، تھنا بیگواھی ءِ ارزی نبشتگ ءُ وتی کر ءَ ایر کرتگ۔ ندیمءَ مئے نزیکیں ھندانی درسیں مردم زان اَنت کہ اے وھد ءَ گوں کجام جاوراں بوتگ۔
کھول ءَ گوشتگ کہ ما دلجمیں ندیم اھمد سرکار ءِ بگیری ءَ ھچ وڑیں کار نہ کرتگ۔ ما گوں سرکار ءَ لوٹ کن ایں کہ اگاں آئی سر ءَ چونیں بھتامے ھست گڑا دیم ءَ آرگ ءُ آمیدگس ءَ پیش کنگ بہ بیت۔اے وڑ ءَ آئی زوریں بیگواھی ءَ مئے تیوگیں کھول سکا جنجال اِنت۔
آئی ءَ گوں مردمی ھکانی ادارھانی ھواری ءَ گوں درسیں بھرگاں سیادی داروکیں مردماں لوٹ کرتگ ءُ گوشتگ کہ پہ ندیم اھمد ءِ آجوئی ءَ توار چست بہ کن اِت۔
