بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ پدائی آپریشن ” ھیروپ “ ءِ پارست ءَ بی ایل اے ءِ پدائی یونٹ مجید برگیڈ زورگریں لشکر ءِ بیلہ بنجل ءِ سر ءَ اُرش کرتگ داں انوں 24 ءَ گیش کارمند کشتگ ءُ بنجل ءِ یک بھرے ءِ دستیگ کنگ ءَ سوبین بوتگ اَنت۔
آئی ءَ گوشتگ کہ مجید برگیڈ ءِ ارش ءِ بندات تراکناکیں شورہ ءَ باریں دو گاڑی بنجل ءِ پترگ ءِ دروازگ ءُ نزیک ءَ برجاھیں پھازداریں پانگسانی ٹکر جنگ ءَ کرتگ۔ ایشی آسر ءَ بنجل ءِ پترگی بھر سرجم ءَ تباہ بوتگ۔ بنداتی اُرش ءَ تراکانی اُرش ءَ پد مجید برگیڈ ءِ ھیروپ ءِ پدائی یونٹ بنجل ءِ تہ ءَ پترگ ءَ سوبین بوتگ ءُ اُرش ءِ بنداتی بھر ءَ 24 کارمند ءَ گیش کشتگ ءُ بنجل ءِ یک مزنیں بھرے ءِ دستیگ کنگ ءَ سوبین بوتگ اَنت۔ اود ءَ آپریشن ءِ دومی بھر بندات کنگ بیت۔
جارکش ءَ گوشتگ کہ ھمے وڑ ءَ سرجمیں بلوچستان ءَ درسیں شھدگ بی ایل اے ءِ سرمچاراں سنگر گپتگ ءُ بستگ اَنت۔ آیانی سرجمیں ھال زوت شنگ کنگ بنت۔
