
بلوچ بریشن آرمی ءِ جارکش جیئند ءَ ماں رسانکدر ءَ وتی شنگ کرتگیں درشانے ءَ دو ارش ءِ زمہ واری من اتگ ءُ گوشتگ کہ بی ایل اے ءِ سرمچاراں زورگریں پاکستانی لشکر ءُ چیریں ادارھانی جوڑ کرتگیں وتگڑیں کشندہ ٹولی ءِ سروک سراج جتوئی ءَ مرگ ءِ سزا داتگ ءُ تربت ءَ ایپ ڈبلیو او ءِ گاڑی گوں بمبءَ نشانگ کرتگ۔
آئی ءَ گوشتگ کہ بی ایل اے ءِ سرمچاراں 9 جنوری ءِ شپ ءَ ڈاڈر ءَ یک کاروائی یے ءِ میان ءَ زورگریں پاکستانی لشکر ءُ چیریں ادارھانی جوڑ کرتگیں وتگڑیں کشندہ ٹولی ءِ بنجلے ءَ بیڑ برتگءُ کشندہ ٹولی ءِ سروک سراج جتوئی ء موسا ھان گوں چار مردم ءَ ھوار دزگیر کرتگ۔
جارکش ءَ گوشتگ کہ جست ءُ پرس ءِمیان ءَ سراج جتوئی ءَ من اتگ کہ آ چہ 2019 ءَ پاکستانی لشکر ءِ چیردستی ءَ کار ءَ اِنت۔ آئی ءَپاکستانی لشکر ءِ سروکی ءَ ھمے ھند ءَ کشندہ ٹولی جوڑ کرتگ ءُ لشکر ءِ زوراکیاں ھوار گساں بیڑ برگ ءُ زوریں بیگواھیاں زورگریں لشکر ءِ کمکار بیتگ۔
آئی ءَ گوشتگ :سراج جتوئی ءَ من اتگ کہ زورگریں لشکر ءِ کرنل وکاس ءِ سروکی ءَ پد کرنل زیا ءُ پد ءَ برگیڈیئر امر ءِ چیردستی ءَ کار ءَ بیتگ۔ آئی ءَ من اتگ کہ بیست مردم کشندہ ٹولی ءَ ھوار اِنت۔ آئی ءَ من اتگ کہ اے کشندہ ٹولی چہ ڈاڈر ءَ بگر داں بی بی نانی ءَدژمنیں لشکر ءِ چیردستی ءَ کار ءَ اِنت، ڈاڈر ءَ ھوار کِر ءُ کشانی ھنداں لشکرکشی ءَ تچکی ءَ ھوار بیتگ۔
جارکش ءَ گوشتگ کہ سراج جتوئی ءِ سر ءَ راجدروئی سرزد بوگ ءَپد بلوچ آمیدگس ءَ مرگ ءِ سزا داتگ گڑا بی ایل اے ءِ سر مچاراں دوشی کشتگ۔ دگہ سے مردم بے میار بیتگ آ یل کنگ بیتگ اَنت۔ سراج جتوئی ءَ جست ءُ پرس ءِمیانءَنیٹورک ءِ آدگہ مردمانی نام ءُ ھال داتگ اَنت، اے مردماں زوت بی ایل اے ءِ سرمچار گڈی آسر ءَ سر کن اَنت۔
آئی ءَ گوشتگ کہ بی ایل اے ءِ سرمچاراں تربتءِ ھند کلاتک ءَ چیرکرتگیں شورھانی ارش ءَ لٹ ءُ پلی شرکت پرنٹیئرکور ورکس ( ایپ ڈبلیو او ) ءِ گاڑی نشانگ کرتگ کہ تراک ءِ آسر ءَ سے کارمند ٹپی بیتگ ءُ گاڑی سکا تاوان بیتگ۔