بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ نبشتگ کہ زوریں بیگواھی زوراکیانی گنتریں دروشم اِنت ءُ اے بلوچ چکچینی ءَ گیش تیز کنت۔
آئی ءَ گوشتگ کہ کلات ءَ 2016 ءَ یک لشکرکشی یے ءِ میان ءَ یکیں کھول ءِ نو مردم آوار جنگ بوتگ کہ آ انوں ھم بلوچ جھد ءِ سر ءَ یک جستے ودی کن اَنت۔
یات بہ بہ اِت کہ 2016 ءَ کلات ءَ یکیں کھول ءِ نو مردم پکار ھان ء الی جان، امام داد ء پکار ھان، ابدالنبی ء پکار ھان، میر مھمد ء پکارھان، داد مھمد ء پکار ھان،مستپا ء الی جان، میر جان مستپا، سبز الی ء زمان ھان، تاج مھمد ء زمان آوار جنگ ءُ بیگواہ کنگ بوتگ اَنت کہ انگت بیگواہ اَنت۔
