بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں پانزہ ءُ شانزہ اگست ءِ شپ ءِ دوزدہ ءَ شاپک ءَ بارگ کوہ ءِ سر ءَ برجاھیں زورگریں پاکستانی لشکر ءِ بنجل ءِ سَے سنگرانی سر ءَ یکیں وھد ءَ اُرش کُرتگ۔داں پانزہ دمان ءَ برجاہ بیتگیں اُرش ءَ نوکین ءُ ٹوھیں سلاہ کارمرد کنگ بیتگ اَنت کہ چہ ایشی ءَ دژمن ءِ دو کارمند مُرتگ ءُ سَے ٹپی بیتگ۔
آئی ءَ گوشتگ کہ بلوچ راج ءِ سرمچار پہ وتی ماتیں دیار ءَ وتی جاناں ندر کنگ ءُ دژمن ءَ ھرچ پِڑ ءَ پروش دیگ ءَ اَنت۔
جارکش ءَ گوشتگ کہ بلوچ سرمچارانی توان بلوچ راج اِنت کہ راج ءِ کمک ءَ گل یک سرجم ءَ توانمندے جوڑ بیتگ کہ ھر پِڑ ءَ دژمن ءِ سر ءَ اُرش کنگ ءُ پروش دیگ ءَ اِنت۔آ وھد دور نہ اِنت کہ جھان ءِ نکشہ ءِ تہ ءَ بلوچستان یک آجوئی ڈیھے ءِ دْروشم ءَ درا بیت۔
میجر گھرام ءَ ارش ءِ زمہ واری من اِتگ ءُ گوشتگ کہ داں سرجم ءَ ریاست ءِ لشکر ءِ دراھگ ءَ دژمنیں لشکر ءِ سر ءَ اُرش برجاہ بنت۔
