بلوچ نیشنل موومنٹ ( بی این ایم ) ءِ انسانی ھکانی ادارہ پانک ءَ لیکچرار بالاچ بالی ءِ زوریں بیگواھی ءِ سر ءَ بژن درشان کرتگ ءُ گوشتگ کہ بالاچ ھان بالی ء ماسٹر اللہ بکش تربت، آسپر ءَ ڈاکی بازار ءِ جاہ منند اِنت۔ 3 دسمبر 2025 ءِ بیگاہ ءِ چار ءَ پاکستانی پوج ءَ چہ سلالہ بازار ءَ ھما وھد ءَ آوار جتگ کہ آ چہ بازار ءَ وتی گس ءَ روگ ءَ بیتگ۔
آئی ءَ گوشتگ کہ بالاچ بالی تربت یونیورسٹی ءِ کمپیوٹر سائنس ءِ لیکچرار اِنت، چہ وتی بودناکی ءُ گوں نودربراں مھروان ءُ دمگ ءَ پہ زانشت ءِ دیمروئی ءَ چیدگے زانگ بیت۔ آئی زوریں بیگواھی آئی کھول، سنگت ءُ آدگہ وانندگ بھرگ ءَ تکانسر کنگ ءَ اِنت۔
آئی ءَ گوشتگ کہ پانک اے زوراکی ءَ گوں ترندیں دانکاں ایر جنت ءُ ایشی بلوچ استاد، دانشور ءُ شھریانی زوریں بیگواھیانی درچ سرپد بیت۔
پانک ءَ گوں میان استمانی انسانی ھکانی گلاں لوٹ کرتگ کہ آ دزمانجنی بہ کن اَنت، اے ویل ءِ بابت ءَ پٹ ءُ پول بہ کن اَنت ءُ بلوچستان ءَ زوریں بیگواھیانی زمہ واراں جست بگر اَنت۔
