تربت: ماھے پیش زورگریں پاکستانی لشکر ءِ دست ءَ زور بیگواہ کنگ بوتگیں شئیب ءِ کھول ءَ پہ آ ئی آجوئی ءَ لوٹ گوشتگ کہ شئیب ء الی بکش کولواہ شاپکول ءِ جاہ منند اِنت پاکستا نی لشکر ءَ 30 جون 2024 ءَ چہ تربت، آسکانی بازار ءَ آوار جتگ ءُ بیگواہ کرتگ کہ انگت بیگواہ اِنت۔
آئیءِ گوشگ ءِ کہ مارا ماھے بیت ما ھمے ودار ءَ بوتگ ایں کہ شئیب چہ پاکستانی شکر ءِ زوریں بیگواھی ءَ آجو بیت ما پمیشکا آئی زوریں بیگواھی ءِ کیس رسانکدر ءَ نیاؤرتگ۔ نوں ماھے دہ روچ ءِ گوزگ ءَ پد ما ترسگ ءَ ایں کہ مئے زھگ ءَ پاکستانی لشکر تاوان مہ بنت۔
کھول ءَ گوشتگ کہ ما گوں سرکار ءَ لوٹ کن ایں کہ مئے زھگ ءِ سر ءَ چونیں بھتامے ھست گڑا آمیدگس ءَ آرگ ءُ پیش کنگ بہ بیت۔ بے میار اِنت یل کنگ بہ بیت۔ چہ شئیب ءِ زوریں بیگواھی ءَ مئے تیوگیں کھول رنجانی دیمپان اِنت۔
آئی ءَ گوں مردمی ھکانی ادارھاں لوٹ کرتگ ءُ گوشتگ کہ مردمی ھکانی گل پہ زور بیگواھیں شئیب ءِ آجوئی ءَ توار چست بہ کن اَنت۔
