بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 8 اگست 2024 ءَ جاؤ واجہ باگ بازار.(مین بازار) ءَ تیر جتگ ءُ سرکاری پلہ مرز ھندی کشندہ ٹولی ءِ سروک ءُ راجدروھیں سرمچار اباس پنام لکو کشتگ۔
آئی ءَ گوشتگ کہ اباس پنام لکّو ء بودو جھمنند چکلی نوندڑہ جاؤ 2018 ءَ پاکستانی لشکر ءِ دیم ءَ سلاہ چگل داتگ۔ پاکستانی لشکر ءِ دیم ءَ سرجھل کنگ ءَ پد نہ بیتگ کہ بےتوار بہ بیت تچکی ءَ پاکستانی لشکر ءِ گون ءَ ھوار بیتگ ءُ بلوچ بچانی شھید کنگ ءُ زور بیگواہ کنگ ءَ ھوار چاگردی سلکاریاں تچکی ءَ ھوار بیتگ۔
جارکش ءَ گوشتگ کہ راجی میاربار اباس پنام لکّو ءَ گل ءَ مدام کڈن کُرتگ کہ بلوچ آجوئی جھد ءِ بگیری ءَ کار مہ کن بلے انگت وتی سلکاری یے یل نہ کُرتگ اَنت ءُ بلوچ جھد کارانی کھول ترسینتگ ءُ پاکستانی لشکر ءِ دست ءَ زوربیگواہ کنگ ءَ تچکی ءَ ھوار بیتگ۔7 نومبر 2018 ءَ گل ءِ کماندار شھید مھیم ،شھید اورنگزیب، شھید گُلشیر ءُ شھید راشد جان ءِ شھید کنگ ءُ 8 نومبر 2023 ءَ آواران ءِ ھند پیراندر لوپ ءِ جھمنند ءُ بےمیاریں بلوچ پُسگ نور بکش ء ساھب داد ءِ شھید کنگ ءَ تچکی ءَ ھوار بیتگ۔
آئی ءَ گوشتگ کہ راجدوہ اباس پنام لکو نیشنل پارٹی ءِ ھیرجان ءِ کستریں برات ساکب بزنجو ءِ چیردستی ءَ جاؤ ءِ جتائیں جاھاں سورگر، نوندڑہ، جھل جاؤ ، دراجکور ءُ آواران پیراندر ءَ پہ ایم آئی ءَ کار کنگ ءَ بیتگ ءُ اے جاھاں ایم آئی ءَ تچکی ءَ اے ٹولی ءَ بلوچ جھد کارانی بگیری ءَ سلاہ بند کُرتگ ءُ آیانی تاوان دیگ ءَ ابید چاگردی سلکاریاں ھوار دُزی ءُ بے میاریں مردمان ءَ پہ زور باجگری گرگ ءِ موکل داتگ۔
میجر گھرام ءَگوشتگ کہ بی ایل ایپ راجی میاربار ءِ کوش ءِ زمہ واری ءَ منّ ایت۔ میاربار ءِ میار چارگ ءُ سزا دیگ بیتگ۔ بلوچ چاگرد ءُ بلوچ راجی زْرمبشت ءِ بگیری ءَ پُرکاریں دُرسیں مردماں کڈن کن ایں کہ وتی میارباری چِست ءُ ایراں بند بہ کن اَنت اگاں نہ ھمے وڑ سزا دیگ بنت ءُ اے وڑ پہ آیانی آؤکیں پدریچ ءَ ھم شرمندی یے سْوب جوڑ بیت۔
