بلوچ یکجھتی کمیٹی ءَ ماں رسانکدر ءَ کراچی ءَ بی وائی سی ءِ باسکانی دزگیری ءِ پژدر ءَ نبشتگ کہ مرچی نوالین کراچی ءَ بلوچ یکجھتی کمیٹی ءِ سے باسک شھداد، سدام ءُ باسد ءَ پہ بلوچ راجی مچی ءِ باروا دیوال نبیسی ءُ پنتانک بھر ءُ بانگ کنگ ءِ میان ءَ ڈی ایس پی کلاکوٹ ءَ درکانودی دزگیر کرتگ اَنت۔ سے ئیں ورنا پولیس گس ءَ بر گ ءَ پد چیریں ادارھانی دست ءَ دیگ بوتگ اَنت ءُ اے میان ءَ پولیس گس ءَ ساڑی نہ اَنت۔
آئی ءَ گوشتگ کہ لھتیں ادار پیش بی وائی سی ءِ دگہ یک کارکنے ابدرھمان شاھمیر ءَ پاکستانی لشکر ءَ چہ گس ءَ آوار جتگءُ برتگ۔
آئی ءَ گوشتگ کہ ما تچک ءُ گوں ترندیں دانکاں گوش ایں کہ بلوچ یکجھتی ءِ زرمبشت پہ زور ءِ پارست ءَھلاس کنگ نہ بیت۔ زور کارمرز کنگ ءُ ریاست بلوچاں جزباتی کنگ ءَ اِنت۔ چہ ایشی پد مردمانی پژدر ءِ درسیں زمہ واری ریاست ءِ سر ءَ بنت۔
