شال: زورگریں پاکستانی لشکر ءُ چیریں ادارھانی کارمنداں بیڑ برتگ ءُ مردمے آوار جنگ ءَ پد بیگواہ کرتگ۔
اھوالکار ءِ رد ءَ زوربیگواہ کنگ بوتگیں مردم ءِ نام سدام لانگو اِنت کہ پاکستانی لشکر ءَ دوشی چہ شال ءِ ھند کلی اسماھیل ءَ آوار جتگ ءُ بیگواہ کرتگ۔
سدام لانگو ءِ زوریں بیگواھی ءِ گپ بیگواھیں بلوچانی توار (وی بی ایم پی ) ءَ راست کرتگ ءُ گوشتگ کہ زور بیگواھیں سدام لانگو زھیر اھمد ءِ زوریں بیگواھی ءِ بگیری ءَ زھرشانی ءَ گوں بوتگ۔
گل ءَ گوشتگ کہ زی بیگاہ ءَ لشکر ءَ چہ کلی اسماھیل ءَ سدام لانگو درکانودی آوار جتگ ءُ بیگواہ کرتگءُ گل ءَ ھمے گپ سربوتگ کہ دوشی چہ سریاب کسٹم ءَ ھم مردم آوار جنگ ءَ پد بیگواہ کنگ بوتگ اَنت۔
