کراچی/ شال: بلوچ یکجھتی کمیٹی ءِ نیمگ ءَ گوادرمچی ءِ درگت ءَ جتا جتائیں جاھاں دیوان برجم دارگ ءُ دیوال نبیسی کنگ بوتگ۔
بی وائی شال ھنکین ءَ شال ءِ جتائیں ھنداں کلی اسماھیل، جناہ ٹاون، کلی برات، کلی جما ھان، کلی شابو، ایسانگری، بروری، آلمو چاراہءُ کلی پائند ھان ءَ بیستءُ ھشت جولائی ءَ بیوکیں راجی مچی ءِ باروا پنتانک بھر ءُ بانگ کنگ بوتگ، دیوال نبیسی ءُ گدان جنگ بوتگ کہ 28 جولائی ءَ بیوکیں پہ راجی مچی ءِ باروا مردم سرپد کنگ بوتگ اَنت۔
ھمے وڑ ءَ پنچ شمبے ءِ روچ ءَ 18 جولائی ءَ سرپدی تکشام ءِ درچ ءَ ملیر شراپی ءَ ھوار لیاری بگدادی ءِ گیشتریں جاھاں دیوال نبیسی ءُ سرپدی اسٹیکر جنگ بوتگ اَنت۔
بلوچ یکجھتی کمیٹی کراچی ھنکین ءِ نیمگ ءَ ھاجی وژدل گوٹ، ڈملوٹی 8 نمبر، ملیرءُ کاٹھور ءَ دیوان برجم دارگ بوتگ اَنت، 28 جولائیءَ پہ گْوادر ءَ راجی مُچی ءِ بابت ءَ مردم سرپدی دیگ بوتگ اَنت کہ بلوچ راج ءَ نوں سرپد بوگی اِنت مارا یکجاہ بوگ ءُ ایردستیی ءِ بگیری ءَ جُھد کنگی اِنت۔
