ھاران/ تربت: زورگریں پاکستانی لشکر ءُ چیریں ادارھانی کارمنداں چار مردم آوار جتگ۔
اھوالکار ءِ رد ءَ زورگریں پاکستانی لشکر ءَ زی ھاران ءِ کبدانی میتگ ءَ لشکرکشی کرتگ ءُ گسانی پٹ ءُ پول کنگ ءِ ھواری ءَ گوں مردماں زوراکی کناں ءَ سے مردم ھپیز اللہ ء پزل مھمد چنال، منزور اھمد ء اباس یلانزھی ءُ زیا اللہ ء پزل مھمد چنال آوار جتگ ءُ گوں وت برتگ اَنت۔ منزو اھمد ءُ زیا اللہ ءَ رند ءَ یل کنگ بوتگ اَنت۔ ھپیز اللہ انگت بیگواہ اِنت۔
آیانی باروا گوشگ بیت کہ بنیاد ءَ ھاران ءِھند گواش ءِ جاہ منند اَنت ءُ انوں ھاران شھر ءَ آتکگ ءُ کبدانی میتگ ءَ نشتگ اَنت۔
بنشوں ءِ رد ءَ 14 جولائی ءَپاکستانی لشکر ءِ جوڑ کرتگیں کشندہ ٹولی ءِ کارمنداں چہ تربت شھر ءَ سراج ء شپی مھمد نامیں ورنایے آوار جتگ ءُ بیگواہ کرتگ کہ انگت بیگواہ اِنت۔
