شال: بلوچ یکجھتی کمیٹی ءِ سروک ڈاکٹر ماہ رنگ ءِ سروکی ءَ زھرشانی روانکے درکپتگ ءُ ریڈ زون ءَ شتگ ۔ روانک ءَ زھیر اھمد ءِ کھول ءُ جنینان ھوارجتائیں بھرگاں سیادی داروکیں مردماں بازیں کچے ءَ بھر زرتگ۔ اے وھد ءَ زھرشانی نندانک ریڈ زون ءَ برجاہ اِنت۔
چہ زھرشانی جاہ ءَ ڈاکٹر ماہ رنگ ءَ تران کرتگ ءُ گوشتگ کہ اے ھما جاہ اِنت اد ءَ زی مئے مات، گھار ءُ برات لٹ شاپ کنگ بوتگ اَنت، چمی گیس ھم جنگ بوتگ اَنت۔ اے جاہ ءِ سر ءَ مئے ھک ھست اِنت۔
آئی ءَ گوشتگ کہ ریاست ءِ کر ءَ زور ءُ لشکر ھست بلے مئے زور مئے مردم اَنت کہ آ مئے گون ءَ ھمراھداری کنگ ءَ اَنت۔
یات بہ بہ اِت کہ مرچی زھیر اھمد ءِ زوریں بیگواھی ءُ گوستگیں روچ ءَ پولیس ءِ زوراکیانی بگیری ءَ شال کرچی شھدگ سوناھان ءِ نزیک ءَ بند کنگ بوتگ۔ دگ ءِ بند بوگ ءِ سو ب ءَ دوئیں نیمگاں گاڑیانی مزنیں کتار اوشتوک بوتگ۔
