بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ بنجاھی شھر تربت ءَ آبسر، ڈکی بازار ءَ پاکستانی لشکر ءِ پانگس ءِ سر ءَ دستی بمب اُرشے کُرتگ۔ اُرش ءَ لشکر ءِ دو کارمند ٹپی بیتگ۔
آئی ءَ گوشتگ کہ اے پانگس شھید ھیات ءِ شھید کنگ ءِ جاہ ءَ جوڑ کنگ بیتگ، سرمچاراں زی بیگاہ ءِ ھشت ءُ چل ءَ پانگس ءِ سر ءَ دستی بمب اُرشے کُرتگ۔
میجر گھرام ءَ ارش ءِ زمہ واری من اتگ ءُ گوشتگ کہ زورگریں پاکستانی لشکر ءِ سر ءَ اُرش داں زورگپتیں بلوچستان ءِ آجوئی ءَ برجاہ بنت۔
