![](https://zrumbesh.com/wp-content/uploads/2024/07/1000140026.jpg)
منگوچر:شال ءَ زھرشانی ءِ سر ءَ پولیس ءِ بیڑ برگ زھرشانی کنوکانی لٹ شاپ ءُ جنینانی دزگیر کنگ ءِ بگیری ءَ بلوچ یکجھتی کمیٹی ءِ جار ءِ رد ءَ منگوچر ءَ جوھان دوراھی ءِ نزیک ءَ شال کراچی شھدگ بند کنگ بوتگ۔
زھرشانی ءَ جنین ءُ زھگاں بازیں کچے ءَ بھر زرتگ۔ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک اَنت ءُ مساپر سکا جنجالانی دیمپان اَنت۔
آیاں تران کرتگ ءُ گوشتگ کہ زھیر ءِ زوریں بیگواھی ءِبگیری ءَ پر ایمنیں زھرشانی ءِ سر ءَ پولیس ءَ بیڑ برتگ ءُ جنیناں ھوار بازیں مردم لٹ شاپ ءُ دزگیر کرتگ اَنت۔ پولیس ءِ اے درکانودی کار ءَ گوں ترندیں دا نکاں ایر جن ایں۔
آیاں گوشتگ کہ گوں زھیر ءِ کھول ءَ انساپ نہ بوت گڑا سرجمیں بلوچستان ءَ زھرشانی کنگ بیت۔