![](https://zrumbesh.com/wp-content/uploads/2024/07/بی-وائی-سی-1024x576.jpg)
کیچ: بلوچ یکجھتی کمیٹی ءِ نیمگ ءَ بالگتر، ھوشاپ ءُ تجابان ءَ گوں مردماں پہ گوادر مچی ءِ درگت ءَ دیوان کنگ، دیوال نبیسی ءُ پنتاک بھر ءُ بانگ کنگ بوتگ۔ جتا جتائیں جاھاں انگریزی ءُ بلوچی ءَ گوادرمچی ءِ درگت ءَ دیوال نبیسگ بوتگ اَنت۔
آیاں گوں مردماں تران کرتگ ءُ گوادر مچی ءِ درگت ءَ مردمان ءَ سرپدی داتگ ءُ گوں مردماں لوٹ کرتگ کہ کل بلوچ ءِ راجی زمہ واری بیت وت ءَ گوادر مچی ءَ سر بہ کنت ءُ پہ راجی مچی ءِ سوبمند کنگ ءَ ھر وڑیں کمک کنگ ءَ چک ءُ پد مہ بیت۔