![](https://zrumbesh.com/wp-content/uploads/2024/06/photo-output-2.JPEG-1024x576.jpg)
بلوچ آجوئی لشکر (بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مرچی کیچ ءِ ھند سامی ءَ پاکستانی لشکر ءِ یک کاروانے ءَ ھواریں گاڑیانی سر ءَ سنگر گپتگ ءُ ارش ءَ نشانگ کرتگ اَنت۔ ارش ءِ آسر ءَ چار کارمند مرتگ ءُ سے ٹپی بوتگ۔
آئی ءَ گوشتگ کہ سرمچاراں سامی ءَ سی پیک دگ ءَ مرچی بیگاہ ءِ چار ءِ نزیک ءَ زورگریں پاکستانی لشکر ءِ سے گاڑی ارش ءَ نشانگ کرتگ اَنت۔ سرمچاراں مزنیں سلاہ کارمرز کرتگ اَنت دو گاڑی ارش ءِ زد ءَ کپتگ ایشی آسر ءَ چار کارمند مرتگ ءُ سے ٹپی بوتگ۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ داں مول ءَ سوبیں بوگ ءَ مئے کاروائی برجاہ بنت۔