بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ 27 مارچ ءَ مئے سرمچاراں چیریں ادارھانی کارمندانی درگیجگ ءَ چہ سنجاوی ءَ ھرنائی ءَ روکیں شھدگ ھرنائی ءِ ھند مارواں تنک ءَ بستگ، پٹ ءُ پول ءِ میان ءَ لگوریں پاکستانی لشکر گوں سادگیں پوشاک ءُ گاڑیانی سر ءَ آتکگ اود ءَ لس شھریانی سر ءَ زوراکی کرتگ ءُ سرمچارانی سر ءَ ارش کرتگ۔
آئی ءَ گوشتگ کہ پاکستانی لشکر ءِ اےلگور ءُ ناشریں شوربندی ءِ پژدر ءَ سرمچاراں سکا گوں ھورتچاری ءَ شھریانی جان ءُ مال پھریزتگ اَنت ءُ پسھی ارش کرتگ۔ بی ایل اے ءِ اے ترندیں ارش ءِ آسر ءَ پاکستانی لشکر پدکنز بوتگ ءُ کمیں رند ءَ چہ نزیکیں ھنداں زورگریں پاکستانی لشکر ءِ دگہ کارمند سربوتگ اَنت۔
جارکش ءَگوشتگ کہ ھمے ارش ءِ میان ءَ پاکستانی لشکر ءِ دو کارمند ٹپی بوتگ ءُبی ایل اے ءِ سرمچار ماما کماش گوں جوانمردی ءَ جنگ داتگ ءُ شھید بوتگ۔ ماما کماش یک نہ ایماندار ءُ نہ ترسیں ھملبے بوتگ، آئی شھید ءَ بی ایل اے آئی ءَ دروت ندر کنت ءُ آئی جھد ءَ شرپ ءِ نگاہ ءَ چار ایت۔
بی ایل اے ءِ جارکش آزاد ءَ گوشتگ کہ یک برے پد ءَ گوش ایں کہ اے ھند بی ایل اے ءِ گوں مھکمی ءَ دست ءَ اِنت۔ ھمے سوب ءَ پاکستان ءِ لگوریں لشکر جنگی کانودانی بگیری ءَ کنت ءُ لس شھریانی پیم ءَ کاروائی کنت۔
