![](https://zrumbesh.com/wp-content/uploads/2024/07/کراچی-مُچی-1024x607.jpg)
کراچی: بلوچ یکجھتی کمیٹی کراچی ھنکین ءِ نیمگ ءَ پکیر کالونی ءَ بلوچ راجی مچی ءِ درگت ءَ دیوانے برجم دارگ بوتگ، مردماں بازیں کچے ءَ بھر زرتگ۔
دیوان ءَ بیگواھیں بلوچانی توار ( وی بی ایم پی ) ءِ سروک سمی دین ءَ تران کرتگ ءُ گوشتگ کہ مرچی ٹیکسی ءُ رکشہ ڈرائیور ھمے گپ ءَ کن اَنت ما لیاری ءَ نیائیں۔ اے جاہ کہ بلوچ ھند ءِ نام ءَ زانگ بیت اد ءَ رکشہ درائیور ھم آھگ ءَ جاڑیگ نہ اَنت گڑا اےترس کئے ءَ آورتگ۔ اے گپ ءِ پژدر ءَ یک بلاھیں سسٹم ے جوڑینگ بوتگ۔
آئی ءَ گوشتگ کہ گلشن اکبال ءَ اود ءَ ما گند ایں یک نیمگے ءَ میٹرو ءِ مارکیٹ ءُ آ نیمگ ءَ مزن مزنیں پارک اَنت او ءَ لین ھست بلے اود ءَ بلوچانی جاہ چہ ھمے چیز ءَ زانگ بیت کہ اود ءَ لین نیست۔
مردماں تران کرتگ ءُ گوشتگ کہ بلوچ راجی یکجاھی بلوچ چکچینی ءَ ھلاس کنت۔ بیست ءُ ھشت جولائی ءَ گوادر ءَ بلوچ چکچینی ءِ بگیری ءَ راجی مچی یے برجم دارگ بوگ ءَ اِنت بیا اِنت ءُ اے مچی ءَ ھوار بہ بنت۔