کابل: اوگانستان ءَ دوشی چہ زمین چنڈءَ 250 مردم بیران ءُ 500 ءَ گیش مردم ٹپی بیتگ اَنت۔
کابل تالبان انتزامیہ ءِ نیمگ ءَ شنگ بیتگیں درشانے ءَ گوشگ بیتگ کہ بنداتی ھالانی رد ءَ تھنا نورگل، وپٹور، ماٹوگی ءُ چپہ درہ ءِ دمگاں کم چہ کم 250 مردم بیران ءُ 500 مردم ءَ گیش ٹپی بیتگ۔
دوشی پاکستانی وھد ءِ ھسابءَ دوازدہ ءُ نیم ءَ پاکستان ءُ اوگانستان ءَ زمین چنڈ بیتگ کہ آئی ترندی شش بیتگ۔
اوگان سرکار ءِ گوشگ اِنت کہ انگت ءَ بیران ءُ ٹپی بیتگیں مردمانی سرجمیں کچ زانگ نہ بیتگ چی ءَ کہ دوریں ھنداں ھال بوگ ءَ نہ اِنت کہ کمکی ٹولی نوں ھما جاھاں روگ ءَ اَنت۔
