شال: پاکستانی لشکر ءِ دست ءَ زور بیگواہ کنگ بوتگیں زھیر اھمد ءِ کھول ءِ نیمگ ءَ زھرشانی روانکے کشگ بوتگ۔ روانک ءَ زور بیگواھیں مردمانی کھولاں ھوار جتائیں بھرگاں سیادی داروکیں مردماں بازیں کچے ءَ بھر زرتگ۔ بلوچ یکجھتی کمیٹی ءِ سروک داکٹر ماہ رنگ ءَ روانک ءِ سروکی کرتگ۔
زھرشانی روانک ءَ ھواریں مردماں زور بیگواھیں مردما نی اکس، بینر ءُ پلے کارڈ دستان بوتگ اَنت کہ آیاں زوریں بیگواھیانی بگیری ءَ اوگام جتگ ءُ درسیں بیگواھیں مردمانی آجوئی ءِ لوٹ کرتگ۔
زھرشانی کنوکیں مردمانی گوشگ اِنت کہ زھیر ءَ سی ٹی ڈی ءَ زور بیگواہ کرتگ آئی زوریں بیگواھی ءِ بگیری ءَ ایپ آئی آر نبیسگ ءُ زھیر ھمد آمیدگس ءَ پیش کنگ بہ بیت۔
آیاں گوشتگ دانکہ زھیر اھمد آمیدگس ءَ پیش کنگ نہ بوتگ مئے زھرشانیانی درچ برجاہ بیت ءُ ما وتی زھرشانیاں گیشتر ترند کن ایں۔
