اورماڑہ: 29 جون 2024 ءَ گوس بھار کتابجاہ ءِ دیوان برجم دارگ بوتگ، آکل کارمستر ءُ ساگر کارگشاد گچین کنگ بوتگ۔ دیوان چار بھرانی تہ ءَ بوتگ، گوستگیں ھال، نگدی بھر، کتابجاھی شرکاری ءُ آھوکیں گامگیج ھوار بوتگ اَنت۔
دیوان ءِ بنداتی بھر گوستگیں ھال بوتگ، آئی ءِ تہ ءَ کارگشاد ءَ کتابجاہ ءِ کرتگیں کارانی ھال دیوان ءِ دیم ءَ ایرکرتگ اَنت ءُ کلیتدار (فائنانس سیکریٹری) ءَزرانی ھال سنگتانی دیم ءَ درشان کرتگ اَنت۔
دیوان ءِ دیمتر ءِ بھر نگدی بھر بوتگ کہ آئی ءِ تہ ءَ سنگتاں کابینہ ءِ نزوریانی سر ءَ دیمروئی نگد(تنقید برائے تعمیر) کرتگ ءُ دیوان ءِ سیمی بھر بزانکہ کتابجاھی شَرکاری ءِ تہ ءَ پہ کتابجاہ ءِ دیمروئی ءَ وتی شور ءُ سلاہ داتگ اَنت۔
دیوان ءِ چارمی ءُ گُڈی بھر آؤکیں گامگیج بوتگ کہ آئی ءِ تہ ءَ گْوستگیں کابینہ ھلاس کنگ بوت گءُ پہ نوکیں کابینہ ءَ اے سنگت گچین کنگ بوت اَنت۔ آکل کارمستر،تنویر کمک کارمستر، ساگر کارگشاد ساگر ،اسماھیل اکیڈمک اگدھدار ، تیمور کلیتدار ءُ امتیاز رسانکدری کارگشاد گچین کنگ بوتگ اَنت۔
گڈیءَ نوک گچین بوتگیں کارگشاد ءَ کارمستر ءَ موکل ءَ پد دیوان ءِ ھلاسی ءِ جار جتگ۔
