پنجگور: بلوچ وومن پورم ءِ نیمگ ءَ جنکانی وانشجاہ پَنجگُور ءُ تار آپس وانگجاہ پنجگور ءَ سرپدی دیوان برجم دارگ بوتگ۔ دیوان ءَ بلوچ وومن پورم ءِ بُنجاھی آرگنائزر ڈاکٹر شلی ءُ بُنجاھی پتر ءِ باسک شھناز ھوار بیتگ اَنت ۔
سرپدی دیوان ءَ بلوچستان ءِ بُنکی جیڑہ ءُ جنجالانی سرا گپ ءُ تران بوت گکہ بلوچستان یک ورڑ نہ اِنت بلکیں پہ زانت پُشت ءَ دور دیگ بوتگ کہ اد ءِ مردم ھر وڑ ءَ پُشت ءَ بہ بنت، جاندراھی بہ بیت یا کہ وانگ ،اے پروگرام ءِ تہ ءَ جنکانی وانگ ءُ زانگ ءِ بابت ءَ سرپدی دیگ بوتگ کہ بلوچستان ءِ تہ ءَ چینچو وانگجاہ جاہ ھست اودا ٹیچر نیست ، ءُ بازیں جاھاں ٹیچر ھست اود ءَ وانگجاہ نیست ءُ انچیں وانگجاہ ھست کہ آ کسانیں وانگجاہ اَنت ، ءُ گیشتر کہ جنکیں زھگ ھست اَنت آ وانگ ءَ نہ اَنت ۔ دومی جیڑہ اجاندراھی اِنت کہ مئے گورا شریں نادراھجاہ نیست ، نا کہ equipment ھست ، اے دگہ مزنیں نادرائی وتی جاہ ءَ بلوچستان ءِ تہ ءَ مردم چہ ڈینگی ، ملیریا ءُ ڈائریا ءِ سوب ءَ مرگ ءِ آماچ بوگ ءَ اَنت ، شومک بلوچستان ءِ تہ انچو تالان اِنت چوشیں نادراھجاہ ءِ نیست مردم درمان بہ بنت ءُ بلوچ گیشتر شومک ءِنادارئی ءِ آماچ اَنت ، بلوچستان ءِ تہ ءَ چاگے کہ اود ءَ گیشتر جنین molar pregnancies ھست ءُ اود ءِ جامنند گیش Skin cancer ءِ آماچ اَنت بلوچستان ءِ تہ ءَ جاندراھی آسراتی ءِ نہ بوگ ءِ سوب ءَ گیش جنین ھست اَنت آ چُک ءِ سرا مرگ ءِ ارجاں بنت ءُ بلوچستان ءِ تہ Mortality rate سک زیادہ اِنت ۔
آئی ءَ دیمتر ءَ گوشتگ کہ بلوچستان ءِ تہ ءَ انوگیں مستریں جیڑہ مردمی ھکانی اِنت چوشیں گِس ءِ پشت نہ کپتگ کہ اود ءَکسے بیگواہ نہ اِنت یا کہ چوشیں لوگ ءِ پشت نہ کپتگ کہ پُرسیگ نہ اِنت ، او اے گار ءُ بیگواھی ءِ تہ ءَ گیش جنین Suffer کنگ ءَ اَنت ، اگاں لوگ ءِ تہ ءَ کسے گار ءُ بیگواہ بیت گڑا آ لوگ Economically باز سپر کنت ءُ وتی گار ءُ بیگواھیں مردمانی آجوئی ءَھمے جنجن وتی جند ءِ پجار ءَ ھم گار کنت ۔
آئی ءَ دیمتر ءَ گوشتگ کہ وانگجاہ ءُ وانشجاہ ءِ جنکیں نودربراں کیرئیر کونسلنگ ءِ بابت ءَ سرپدی دیگ بوت بازیں پیلڈانی بابت ءَ ڈسکش ءَ پد گُڈ سر ءَ جست ءُ پسو کنگ بوت ءُ چہ ھمد ءَ دیوان ھلاس بوتگ۔
آئی ءَ گوشتگ ما بلوچستان ءِ لس جنیناں ھمے کلوہ ءَ دیگ لوٹ ایں کہ بیا اَنت اے جُنز ءِ بھر بہ بنت وتی سرا بوؤکیں ھمک ریاستی ءُ چاگردی زلم ءُ زوراکیانی بگیری ءَ توار چست بہ کن اِنت۔
