کیچ: پاری زورگریں پاکستانی لشکر ءِ دست ءَ زور بیگواہ کنگ بوتگیں نسرم ءُ پرویز مرچی آجو بوتگ اَنت۔
نسرم ء پیربکش ءُ پرویز ء گنی بلیدہ میناز ءِ جاہ منند اَنت کہ پاری 12 اکتوبر ءَ شپ ءِ چار ءَپاکستانی لشکر ءَ چہ گس ءَ آوار جتگ ءُ بیگواہ کرتگ اَنت۔ آ ھشت ماہ ءِ زوریں بیگواھی ءَ پد مرچی چہ تربت ءَ آجو بوتگ اَنت ۔
آیانی آجوئی ءِ گپ نزیکیں مردمے ءَ راست کرتگ کہ آیان ءَ کھول ءَ دست گپتگ۔
یات بہ بہ اِت کہ پہ آیانی زوریں بیگواھی ءِ بگیری ءَ کھولاں زھرشانی ھم کرتگ۔ تربت ءَ کیچ دمگدار ءِ کارگس ءِ دیم ءَ برجاھیں زھرشانی نندانک ءَ ھوار بوتگ اَنت۔
