گوادر: پسنی ءَ لین ءِ نیستی ءِ بگیری ءَ مردماں زھرشانی ءَ پسنی زیرو پوائنٹ ءَ مکران شھدگ بند کرتگ۔ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتاتگ اَنت۔ پسنی، گوادر، جیمڑی، تربت ءُ کراچی ءَ روکیں مساپر سکا جنجال اَنت۔
آیاں تران کرتگ ءُ گوشتگ کہ ھمک ماہ سکا باز بل گرگ ءَ اَنت اے بلاں نیزگاریں مردم پیلو کرت کنگ ءَ نہ اَنت، چہ مردمانی گپانی گوش دارگ ءَ ابید وارڈ نمبر چار ءِ لینانی تار برگ بوتگ مردم سکا جنجال اَنت۔
آیاں گوشتگ کہ دومی نیمگ ءَ سرجمیں شھر ءَ مدام لین روگ ءُ آھگ ءَ اَنت چہ ایشی ءَ مردم سکا بزگ اَنت۔
آیاں گوں واکدار ءَ لوٹ کرتگ ءُ گوشتگ دانکہ مئے ھند ءِ لین شر کنگ ءُ لینانی روگ ءُ آھگ بند نہ بوتگ ما وتی زھرشانی ءَ برجاہ دار ایں ءُ ھچ وڑءَ دگ ءَ پچ نہ کن ایں۔
