شال: چہ ھزدار ءَ زور بیگواہ کنگ بوتگیں نودربر انیس ءُ چہ شال ءَ زور بیگواھیں پاروک ءِ کھول ءِ نیمگ ءَ آیانی زوریں بیگواھی ءِ بگیری ءَ باندا شال ءَ زھرشانی روانکے کشگ بیت۔
کھولانی نیمگ ءَ شنگ کرتگیں جار ءَ گوشگ بوتگ کہ یازہ جون، سے شمبے ءِ بیگاہ ءِ چار ءُ نیم ء سریاب ءَ بلوچستان زانشتجاہ ءِ دیم ءَ زھرشانی روانکے کش ایں۔
آیاں گوں نودربر، وکیل، سول سوسائٹی ءُ سیاسی ٹولیاں لوٹ کرتگ ءُ گوشتگ کہ بیا اَنت ءُ پہ انیس ءُ پاروک ءِ زوریں بیگواھی ءِ بگیری ءَ جھد ءَ مئے ھمراھداری ءَ بہ کن اَنت۔
