بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ بنجاھی شھر تربت ءَ زورگریں لشکر ءِ پانگس ءِ سر ءَ دستی بمب اُرشے کُرتگ۔
آئی گوشتگ کہ ھپت جون 2024 ءِ شپ ءِ نوہ ءَ سرمچاراں تربت شھر ءَ سنگانی سر ءَ سائن بورڈ ءِ کِر ءَ برجاھیں دژمنیں پاکستانی لشکر ءِ پانگس ءِ سر ءَ دستی بمب اُرشے کُرتگ۔ دستی بمب پانگس ءِ تہ ءَ کپتگ کہ چہ ایشی ءَ پانگس ءَ ساڑی بیتگیں دژمنیں لشکر ءِ یک کارمندے مرتگ ءُ یکے ٹپی بیتگ۔
جارکش ءَ گوشتگ کہ اُرش ءَ پد پروش وارتگیں دژمنیں لشکر ءَ لس آبادی ءِ سر ءَ تیرگْواری کُرتگ کہ چہ ایشی ءَ یک دکاندارے ٹپی بیتگ۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچ سرڈگار ءِ آجوئی ءَ زورگریں لشکر ءِ سر ءَ اُرش برجاہ بنت۔
