![](https://zrumbesh.com/wp-content/uploads/2024/06/IMG-20230912-WA0031-1024x576.jpg)
بلوچ نودربرگل آزاد ( بی ایس او آزاد ) ءَ ماں ھشت جون زوریں بیگواھیانی روچ ءِ درگت ءَ برجاھیں ھپتگی تکشام ءِ پارست ءَ چاگردی رسانکدر ءِ تندجاہ ایکس ءَ نبشتگ کہ بیگواہ کنگ ءِ ریاستی شونداتءِ مول یکے لس مھلوک ترس ءِ آماچ بہ بیت، بے توار بہ بیت ءُ ریاستی زوراکی، زورگری ءُ لٹ ءُ پُلءِبگیری ءَ ھچ مہ گوش ایت،دومی بلوچ پیر، کماش ورنا ءُ جنین چہ جھد ءَ دزکش بہ بنت، چہ وتی آجوئی ءِ کاروان ءَ گسر بہ بنت ءُ ریاستی ایردستی ءَ بہ منّ اَنت۔
آئی ءَ دیمتر ءَ نبشتگ کہ سیمی وتی ھک ءُ چہ وتواجھیءِ لوٹاں دزکش بہ بنت وتی
، زبان، دودمان ءُ چہ ربیدگءَ دزکش بہ بنت دانکہ بلوچ چہ وتی زندءِ راستیں کار ءَ دزکش بہ بنت ءُ پنجابی بادشاھی ءَ بہ منّ اَنت، بلوچستان ءَ پنجابی ءَآبادکاری ءَ بل اَنت ءُ بلوچانی مادن ءُ مڈیاں پنجاب ءَ راہ دیگ ءُ بلوچ ءَ کُشگ ءُ مَرگ ءَ بل اَنت۔
آئی ءَ گوشتگ کہ چین، بیرک ءُ آدگہ زورگیریں ڈیھ ءُ شرکتاں بلوچستان ءِ مڈیانی پلگ ءُ برگ ءَ بل انت ءُ اِے بابتءَ ھچ مہ گش اَنت۔