شال: 28 مئی 2024 ءَ شال ءِ اے ون سٹی آرپ پلازہ ءَ پاکستانی لشکر ءِ دست ءَ زور بیگواہ کنگ بوتگیں نودربرانی یل نہ کنگ ء، بگیری ءَ بلوچ یکجھتی کمیٹی ءِ نیمگ ءَ بروری دگ ءَ زھرشانی بند کنگ بوتگ۔ زھرشانی ءَ نودربر ءُ بلوچ یکجھتی کمیٹی ءِ باسکاں ھوار بازیں کچے ءَ مردماں بھر زرگ۔
زھرشانی کنوکیں مردمانی گوشگ اِنت کہ مئے شش نودربر آوار جنگ بوتگ اَنت چہ آیاں چار نودربر یل کنگ بوتگ ءُ دو انگت ءَ بیگواہ اَنت۔ اے باروا ما بروری پولیس گس ءَ شتگیں ارزی داتگ بلے مئے ایپ آئی آر نبیسگ نہ بوتگ۔ آ مدام ھمے گپ ءَ جنگ ءَ اَنت ما ا دارھانی بگیری ءَ ایپ آئی آر کرت نہ کن ایں۔
آئی ءَ گوشتگ کہ ما نودربرانی یل نہ کنگ ءِ بگیری ءَ دگ بستگ ءُ نشتگیں ما گوں نزیکیں ھمبلاں لوٹ کن ایں کہ آ بیا اَنت ءُ وت ءَ زھرشانی جاہ ءَ سر بہ کن اَنت۔ اے جیڑہ تیوک ءَ یک کھول یا مردمے ءِ نہ اِنت اے درسانی جیڑہ اِنت۔
