آواران: مشکے ءَ زورگریں پاکستانی لشکر ءَ پنچ روچ پیش ناز بی بی نامیں جنینے آوار جتگ ءُ بیگواہ کرتگ۔
اھوالکار ءِ رد ءَ زور بیگواھیں جنین ناز بی بی ء لالو مشکے ءِ میتگ میانی کلات ءِ جاہ منند اِنت۔ پنچ روچ پیش پاکستانی لشکر ءَ ھما وھد ءَ آوار جتگ ءُ بیگواہ کرتگ کہ آ پہ وتی لوگواجہ ءَ آرت ءَ سامان کوہ ءَ برگ ءَ بوتگ آئی لوگواجہ زمان کوہ ءَ گوں وتی رمگ ءَ وانڈہ بوتگ۔ پنچ روچ ءِ گوزگ ءَ پد آئی ھچ وڑیں ھال نیست۔
