![](https://zrumbesh.com/wp-content/uploads/2024/05/WhatsApp-Image-2024-05-26-at-23.26.29_c4a355c1-1024x554.jpg)
ھیبرپکتونواہ: لشکر اسلام پاکستان ءَ آدم کیل ءَ پاکستانی لشکر ءِ پانگس ءُ گاڑیانی سر ءَ ارش کرتگ پاکستانی لشکر ءِ پنچ کارمند مرتگ۔
پاکستانی لشکر ءِ مرتگیں کارمندانی نام نائیک اشپاک، لائس نائیک دانش، سپاھی نزر نادر، سپاھی تیمور ءُ سپاھی یاسین اِنت۔ لانس نائیک ھاور، سپاھی اسد، سپاھی راشد، سپاھی رپاکت، سپاھی ارپان ءُ جاپر ٹپی بوتگ اَنت۔ پاکستانی لشکر ءِ مرتگیں کارمندانی لاش ءُ ٹپی بوتگیں کارمند نادراھجاہ ءَ برگ بوتگ اَنت۔
بنشون ءِ رد ءَ اے ارش ھیبرپکتونواہ ءِ دمگ ھیبر ءَ اپتادہ وادی تیرہ ءِ ھند آدم کیل ءَ بوتگ۔ پاکستانی لشکر ءَ پنچ سلاہ بندیں مردمانی کشگ ءِ ٹاپار جتگ۔
لشکر اسلام پاکستان ءِ جارکش سلاہ الدین ایوبی ءَ چار ھمبلانی مرگ ءِ گپ راست کرتگ ءُ گوشتگ کہ اے ارش تھریک تالبان پاکستان ءُ لشکر اسلام پاکستان ءَھواری ءَ کرتگ۔