سبی: پجار نہ بوتگیں سلاہ بندیں مردماں زورگریں پاکستانی لشکر ءِ پیادگیں کارمند ءُ بنجل ءِ سر ءَ ارش کرتگ۔
بنشون ءِ رد ءَ مرچی سھب ءَ سلاہ بندیں مردماں کرمو وڈ ءَ برجاھیں پاکستانی لشکر ءِ بنجل گوں مزنیں سلاھاں نشانگ کرتگ۔ ھمے ھند ءَ پیادگ ءَ تر ءُ گرد کنوکیں کارمندانی سر ءَ ھم ارش کنگ بوتگ۔ ارش ءِ آسر ءَ پاکستانی لشکر ءِ جانی تاوان ءِ ھال اِنت۔
ارش ءَ پد پاکستانی لشکر ءِ جنگی بالگرد جنگجاہ ءَ سر بوتگ اَنت ءُ مرتگ ءُ ٹپی ئیں کارمند اِش برتگ اَنت۔
بلے ارش ءِ زمہ واری انگت ءَ ھچ گل ءَ نہ زرتگ۔
