بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند کولواہ ءَ زورگریں پاکستانی لشکر ءِ کاروان ءِ سر ءَ سنگر گِپتگ ءُ اُرش کُرتگ، اُرش ءَ دژمن ءِ پنچ کارمند مُرتگ ءُ باز ٹپی بیتگ۔
آئی گوشتگ کہ چار شمبے ءِ روچ ءِ یک ءُ نیم ءِ نزیک ءَ سرمچاراں مراستان کولواہ ءَ سنگر گِپتگ ءُ دُژمنیں لشکر ءِ چار گاڑیانی کاروان ءِ سر ءَ اُرش کُرتگ۔تُرندیں اُرش ءَ دژمن ءِ پنچ کارمند جاھی مُرتگ ءُ باز ٹپی بیتگ۔
جارکش ءَ گوشتگ کہ زورگریں پاکستانی لشکر ءِ کاروان بلور ءَ برجاھیں چہ وتی بنجل ءَ لَڈّ اِتگ ءُ تربت ءَ روگ ءَ بیتگ کہ سرمچاراں اُرش کُرتگ۔اُرش ءَ دژمن ءِ گاڑیاں ھم باز تاوان بیتگ۔
آئی ءَ گوشتگ کہ دگہ یک اُرشے ءَ دوشی شپ ءِ ھشت ءَ سرمچاراں چتکان پنجگور ءَ کلم چاراہ ءَ برجاھیں زورگریں پاکستانی لشکر ءِ پانگس ءِ سر ءَ دستی بمب اُرشے کُرتگ۔دستی بمب پانگس ءِ تہ ءَ کپتگ کہ چہ ایشی ءَ دژمن ءِ دو کارمند ٹپی بیتگ۔
میجر گھرام ءَ ارشانی زمہ واری من اتگ ءُ گوشتگ کہ داں سرجمیں بلوچ سرڈگار ءِ آجوئی ءَ سرمچارانی اُرش برجاہ بنت۔
