بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ میتگ تجابان ءَ زورگریں پاکستانی لشکر ءِ کاروان ءِ سر ءَ سنگر گپتگ ءُ اُرش کُرتگ، تُرندیں اُرش ءَ دژمنیں لشکر ءِ پنچ کارمند مُرتگ ءُ ھپت ٹپی بیتگ۔
آئی ءَ گوشتگ کہ دو شمبے ءِ روچ ءِ یازدہ ءُ نیم ءَ بی ایل ایپ ءِ سرمچاراں تجابان ءَ ھپتاری ءِ کور ءَ سنگر گِپتگ ءُ زورگریں پاکستانی لشکر ءِ سَے ویگو ءُ یک آپ ءِ ٹینکرے چہ نزیک ءَ گوں نوک ءُ ٹوھیں سلاھاں نشانگ کُرتگ۔کاروان ءَ ھواریں دو ویگو گاڑی تُرندیں اُرش ءِ زدہ کپتگ کہ چہ ایشی ءَ گاڑیاں سوار بیتگیں پنچ کارمند جاھی مُرتگ ءُ ھپت ٹپی بیتگ۔کاروان ءَ ھواریں آدگہ گاڑیاں ھم تاوان بیتگ۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں سرڈگار ءِ آجوئی ءَ زوگریں پاکستانی ریاست ءِ لشکر ءِ سر ءَ سرمچارانی اُرش گوں تُرندی ءَ برجاہ بنت۔
