بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 19 مئی ءِ شپ ءِ سَے ءُ نیم ءَ گوادر ءِ سیاہ اُمر وارڈ ءَ برجاھیں چینی شرکت ءِ زونگ موبائل پون ٹاور ءِ سر ءَ اُرش کُرتگ ءُ دُرسیں مشین ءُ سامان مانداشتگ اَنت۔
آئی گوشتگ کہ دگہ یک اُرشے ءَ سرمچاراں ھژدہ ءُ نوزدہ مئی ءِ میانی شپ ءِ نوہ ءَ مشکے ءِ جیبری ءَ لشکری بندساچی شرکت (ایپ ڈبلیو او) ءِ بُنجاہ ءِ سر ءَ اُرش کُرتگ، اُرش ءَ بندساچی شرکت ءِ گاڑی، ڈمپر، لوڈر ءُ دگہ مشین تیر جتگ ءُ تاوان داتگ اَنت۔
جارکش ءَ گوشتگ کہ مئے مدامی کڈن کنگ ءَ ابید لیویز زورگر ءِ لُٹ ءُ پُلی شوربندیاں زورگریں ریاست ءِ ھمراھداری ءَ کنگ ءَ اِنت۔ ما بلوچ بیگ ءِ بُنیاد ءَ پھریز کُرتگ کہ لیویز ءَ جانی تاوان مہ بیت، بلے نوں کسے ءَ چونیں کارے ءَ ھم زورگریں ریارست ءِ ھمراھداری یا کمک کنگ ءِ جُھد کُرت گڑا وتی جانی ءُ مالی تاوان ءِ زمہ وار وت اِنت۔
آئی ءَگوشگ کہ سرمچاراں آواران ءِ ھند زرانکول پیراندر ءَ برجاھیں دژمنیں پاکستانی لشکر ءِ پانگس ءِ سر ءَ اُرش کُرتگ ءُ یک کارمندے کُشتگ ءُ یکے ٹپی کُرتگ۔
جارکش ءَ گوشتگ کہ زی بیگاہ ءِ شش ءَ بی ایل ایپ ءِ اسنائپر ٹک تیراں زورگریں پاکستانی لشکر ءِ یک کارمندے نشانگ کُرتگ ءُ کُشتگ، پد ءَ گوں وتکاریں سلاھاں پانگس ءِ سر ءَ اُرش کُرتگ، اُرش ءَ دژمن ءِ یک کارمندے ٹپی بیتگ۔
بی ایل ایپ ءِ جارکش میجر گھرام ءَ ارش ءِ زمہ واری من اتگ ءُ گوشتگ کہ داں زورگپتیں بلوچستان ءِ آجوئی ءَ زورگر ءُ دژمنیں لشکر ءُ آئی ءِ زورگری شوربندیانی سر ءَ اُرش برجاہ بنت۔
