بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کولواہ ءَ زورگریں پاکستانی لشکر ءِ یک پانگسے ارش ءَ نشانگ کرتگ سے دژمنیں کارمند کشتگ۔
جارکش ءَ گوشتگ کہ کولواہ ءِ ھند کڈ ءِ ھوٹل ، شورک ءَ برجاھیں پاکستانی لشکر ءِ پانگس ءِ سر ءَ بی ایل اے ءِ سرمچاراں گوں راکٹ لانچر ءُ آدگہ مزنیں سلاھاں ارش کرتگ۔ پانگس ءِ پھازداریں سنگر چہ راکٹ ءِ لگگ ءَ تباہ بوتگ ءُ ایشی ءِ تہ ءَ ساڑی ئیں سے کارمند مرتگ ءُ دژمن ءَ گیش جانی ءُ مالی تاوان بوتگ۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ داں سرڈگار ءِ آجوئی ءَ مئے ارش برجاہ بنت۔
