اسلا آباد: زور بیگواھیں پیروز ءَ ھوار بلوچ نودربرانی زوریں بیگواھیانی بگیری ءَ سرجمیں پنجاپ ءِ وانگجاھاں نودربر کلاساں نہ شُتگ اَنت ءُ زھرشانی اِش یاداشت کُرتگ۔
پنجاپ ءِ وانگجاھانی تہ ءَ برجاھیں بلوچ کونسلاں مردمی ھکانی کارکنانی ھمراھی ءَ بلوچ نودربرانی زوریں بیگواھی، نشانگ کنگ ءُ زوراکیانی بگیری ءَ وتی تکشام تیز کرتگ ءُ سرجمیں پنجاپ ءَ زھرشانی ءِ درچ برجاہ داشتگ۔
اسلام آباد ءَ شمبے ءِ روچ ءَبلوچ نودربراں زور بیگواھیں پیروز ءُ اھمد ھان ءِ یل نہ کنگ ءِ بگیری ءَ روانکے کش اتگ ءُ نیشنل پریس کلب ءِ دیم ءَ زھرشانی کرتگ۔ زھرشانی کنوکیں مردماں زوریں بیگواھیں نودربرانی اکس ءُ پلے کارڈ گوں بوتگ اَنت، آیاں زوریں بیگواھی ءِ بگیری ءَ اوگام جتگ ءُ بیگواھیں نودربرانی یل کنگ ءِ لوٹ کرتگ۔
یات بہ بہ اِت کہ زی لاھور ءَ بلوچ نودربراں زھرشانی کرتگ ءُ کلاساں نہ شتگ اَنت، آدگہ نودربراں بازیں کچے ءَ زھرشانی ءَ بھرزرتگ۔ نودربراں زانشتجاہ ءِ تہ ءَ روانکے کش اتگ۔
