بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں تمپ ءَ پاکستانی لشکر ءُ زامران ءَ چاریگی کیمرہ ارشان نشانگ کرتگ اَنت۔
آئی گوشتگ کہ بی ایل اے ءِ سرمچاراں دوشی تمپ ءِ ھند آسیاباد ءَ زورگریں پاکستانی لشکر ءِ یک پانگسے ءَ گرنیڈ لانچر ءِ باز گولا آس داتگ ءُ نشانگ کرتگ، ارش ءِ آسر ءَ دژمنیں لشکر ءَ جانی ءُ مالی تاوان بوتگ۔
جارکش ءَ گوشتگ کہ ھمے وڑ ءَ دگہ یک ارشے ءَ دوشی بی ایل اے ءِ سرمچاراں زامران ءِ ساہ دیم ءَ زورگریں پاکستانی لشکر ءِ نیمگ ءَ جتگیں کیمرہ ءُ گوں آئی ءَ ھواریں ابزار تباہ کرت اَنت۔
بی ایل اے ءِ جارکش جیھند ءَ دوئیں ارشانی زمہ واری من اتگ ءُ گوشتگ کہ داں بلوچ سرڈگار ءِ آجوئی ءَ مئے ارش برجاہ بنت۔
