گْوادر: بلوچستان آجوئی سنگر ( بی ایل ایپ ) ءَ گْوادر ءِ کوہ ڈرامب ءَ زورگریں پاکستانی لشکر ءِ سر ءَ بوتگیں اُرش ءِ تامر چہ ” آشوب چینل“ ءَ شنگ کرتگ۔
اے تامر ءَ یک گاڑی یے ءِ ھواری ءَ پرپٹےگندگ بیت کہ گاڑی ءَ پیسر بمب نابود کنوکیں کارمند راہ ءَ چارگ ءَ اَنت بی ایل ایپ ءِ سرمچار آیانی سر ءَ اُرش کن اَنت۔
اُرش ءِ آسر ءَ پاکستانی لشکر ءِ مرتگیں کارمندانی لاش ءُ ٹپی بوتگیں کارمند کپگ ءَ گندگ بنت۔ گاڑی ءُ پرپٹ ھم تاوان بنت۔
یات بہ بہ اِت کہ 31 مارچ ءَ اے اُرش ءِ زمہ واری بلوچستان آجوئی سنگر ( بی ایل ایپ ) ءِ جارکش میجر گھرام ءَ منّ اتگ ءُ گوشتگ اَت کہ یک شمبے ءِ سُھب ءِ ھشت ءَ سرمچاراں گوادر ءَ دڑامب ءِ کوھی دمگ ءَ زورگریں پاکستانی لشکر ءِ کاروان ءِ سر ءَ گوں نوکین ءُ ٹوھیں سلاھاں اُرش کُرتگ۔ اُرش ءَ دژمن ءِ ھپت کارمند مُرتگ ءُ دو ٹپی بیتگ۔ گاڑی ءُ پرپٹ ءَ ھم باز تاوان بیتگ۔
