لندن: 9 اپریل ءَ مرگاپ ءِ شھیدانی سالروچ ءِ درگت ءَ بلوچ راجی زرمبشت ( بی این ایم ) یوکے چپٹر ءُ لندن بنزہ ءِ نیمگ ءَ دیوانے برجم دارگ بوتگ۔
دیوان ءَ یوکے چپٹر کارگشاد دوستین ، لندن بنزہ ءِ آرگنائزر جاسم ، ڈپٹی آرگنائزر مسدک، بابل سلیم ءُ آدگہ سنگتاں مرگاپ ءِ شھید ستک شانی ندر کرتگ اَنت ءُ آیانی کردانی سر ءَ وتی ھیال درشان کرتگ اَنت۔
آیاں گوشتگ کہ 9 اپریل مرگاپ ءِ شھیدانی سالروچ اِنت اے روچ ءَ پاکستانی لشکر ءَ بی این ایم ءِ بانی رھشون واجہ گلام مھمد، لالا منیر ءُ شھید مھمد شھید کرتگ اَنت۔ اے روچ بلوچ گوستانک ءِ تہ ءَ سکا بلاھیں ارزیشے دار ایت۔ بلوچ راج ھمک سال 9 مارچ ءَ وتی راجی شھیدیں راھشونانی یاد کنت۔
آیاں گوشتگ کہ اے روچ ءِ دارگ ءِ مول گوں وتی شھیداں اھد کنگ اِنت، شھیدانی ھونانی بیر چو بلوچستان ءِ آجوئی ءِ دروشم ءَ گرگ بیت۔
