بلوچستان آجوئی سنگر ( بی ایل ایپ ) ءِ جارکش میجر گھرام ءَ بی ایل ایپ ءِ سی ماہ ءِ سلاہ بندیں کاروائیانی سرجمیں گزارش ماں رسانکدر ءَ شنگ کرتگ ءُ گوشتگ کہ 45 اُرشاں دژمنیں لشکر ءِ 61 کارمند کشتگ۔
آئی ءَ گوشتگ کہ بی ایل ایپ ءِ سرمچاراں چہ جنوری ءَ داں مارچ ءَ سرجمیں بلوچستان ءَ 45 سلاہ بندیں کاروائی کرتگ۔ اے سلاہ بندیں کاروائیاں پاکستانی لشکر، دُژمنیں لشکر ءِ کمکار، کنسٹرکشن شرکت ءُ لشکری شوربندی ( موبائل ٹاور ) نشانگ کرتگ اَنت۔
جارکش ءَ گوشتگ کہ اے ارشاں دژمنیں لشکر ءِ 61 ءَ گیش کارمند مرتگ ءُ 31 ءَ گیش کارمند ٹپی بوتگ، اُرشانی آسر ءَ سے گاڑی سرجم ءَ تباہ بوتگ اَنت۔ دگہ بازیں گاڑی ءُ پرپٹاں تاوان بوتگ۔ یک بلڈوزرے سرمچاراں مانداشتگ۔ سے ماھانی میان ءَ پاکستانی لشکر ءِ دو نزیکیں چاریگ کشتگ۔ دگہ یک کاروائی یے ءَ پاکستانی پولیس ءِ سر ءَ اُرش کرتگ ءُ سے پولیس کارمندانی سلاہ دستیگ کرتگ اَنت۔ دُژمن ءِ دو سرویلنس ڈرون کیمرہ نشانگ کرتگ ءُ دور داتگ اَنت۔ اے کاروائیاں یک موبائل ٹاورے ءِ مشین ءُ سامان تیرگواری کرتگ ءُ مانداشتگ اَنت ءُ تباہ کرتگ ءُ بولان ءَ کریش پلانٹ مانداشتگ۔
آئی ءَ گوشتگ کہ بی ایل ایپ ءَ جتائیں وھدے ءَ وتی جنگی شوربندیانی پارست ءَ پاکستانی لشکر ءُ ریاستی ادارہ سکا تاوان داتگ اَنت۔ ما سدکیں کہ بلوچ سرمچار پاکستانی لشکر ءَ ھمک روچ گوں نوکیں جنگی شوربندیانی رد ءَ داں سرجم ءَ در آھگ ءَ پروش دے اَنت گوستانکے زندگ دار اَنت۔
میجر گھرام ءَ گوشتگ کہ اے ارش داں زورگپتیں بلوچستان ءِ سرجمیں آجوئی ءَ گوں ترندی ءَ برجاہ بنت۔ بی ایل ایپ ھمے کول ءَ کنت کہ داں بلوچستان ءِ آجوئی ءِ بستار ءَ دژمن ءَ ھمک میڑ ءَ نشانگ کن ایں ءُ گوں پروش ءَ دیمپان کن ایں۔
