کیچ : بلوچ سرمچار انشپی شھید جلال پنام برمش ءِ مانش ءَ شتگ ءُ بیرک مک کرتگ ءُ ستک شانی ندر کرتگ۔
اھوالکار ءِ رد ءَ شھید جلال پنام برمش ء ھسن تلمب مند ءِ جاہ منند اِنت ءُ بلوچستان آجوئی سنگر ( بی ایل ایپ ) ءِ سرمچارے۔ شھید جلال پنام برمبش پاری 23 پروری ءَ مزنبند ءِ کوہ ءَ زورگریں پاکستانی لشکر ءِ ڈرون اُرش ءَ شھید کماندار میجر مھمد کریم پنام ملا بھرام، شھید ھزا پنام میرل، شھید لپٹینیٹ تالب پنام کمانچر، شھید شھزاد پنام چراگ، شھید آسپ پنام جنید، شھید لپٹینٹ منزور پنام کیا ءُ شھید مولابکش پنام گپار ءِ ھواری ءَ شھید بوتگ۔
یات بہ بہ اِت کہ شھید جلال پنام برمبش ءِ مانش ءِ سر ءَ پیسر ءَ ھم بیرک مک کنگ بوتگ۔ پاری ھشت اپریل ءِ شپ ءَ پاکستانی لشکر ءِ جوڑ کرتگیں کشندہ ٹولی ءِ کارمنداں بیرک دور کرتگ اَت۔
